kite

Yon fanm ki te bezwen konn kisa maril tap fè sil ta 

annik leve li pati kite kay la sanl pat avètil.

Manm zèl deside li ekri yon lèt li dil ke li pa anvi viv avèl anko

epi li depoze lèt la nan chanm nan, epi lal kache anba kabann nan.

Lè mesye a rantre sot travay, li wè lèt la, li lil. 

Epi misye ekri yon bagay sou papye a, 

li komanse chante epi li chanje rad li.

misye pran telefon li li rele yon moun epil di:

"Allo bebe, map fin met rad sou mwen talè map vin jwenn ou, 

moun fou a resi konprann mwen pat bezwenl, li resi ale. 

Mpa konn sak te pousem al marye ak manmzèl non, 

mpa konn koman mfè pat gentan konnenw anvan sa.

Talè nap wè cheri, men map vini."

Misye soti nan chanm lan, li ale.

Fanm nan li menm ki byen nève deside al li sa maril ekri a.

Li pran lèt la li wè:

Mwen wè pyew anba kabann nan, egare, m'al achte pen, 

sispann fè grimas, leve wal fè manje pou mwen.